Аб падпісцы на часопіс «Родная прырода»

Бешанковіцкая раённая інспекцыя прыродных рэсурсаў і аховы навакольнага асяроддзя інфармуе, што адкрыта падпіска на часопіс «Родная прырода».

Выданне прысвечана прыродзе Беларусі ва ўсёй яе разнастайнасці. У цэнтры ўвагі не толькі ўнікальныя прыродныя ландшафты, жывёльны і раслінны свет, але і ўсе аспекты, якія тычацца аховы навакольнага асяроддзя і рацыянальнага выкарыстання прыродных рэсурсаў.

Выданне аб'ектыўна інфармуе насельніцтва па пытаннях, якія выклікаюць вялікі грамадскі рэзананс. Часопіс выдаецца штомесяц на беларускай і рускай мовах.

”Родная прырода“ – гэта таксама прыгожы ”прыродны“ фотаальбом: на старонках выдання публікуюцца лепшыя фотаздымкі жывёльнага і расліннага свету ад прафесіяналаў і аматараў.

Аформіць падпіску можна ў аддзяленнях РУП ”Белпошта“, УП «Белсаюздрук», на сайтах «Выдавецкага дома «Звязда»,  РУП ”Белпошта“,  праз сістэму ”Belpressa.by“, можна таксама аформіць PDF-падпіску.

Падпісныя індэксы:  74926 – для індывідуальных падпісчыкаў; 749262 – для ведамасных падпісчыкаў.