Аб рабоце са зваротамі грамадзян

Разгляд зваротаў грамадзян – прыярытэтная сфера дзейнасці для ўсіх дзяржаўных органаў і арганізацый, таму пракуратура раёна надае пільную ўвагу пытанням захавання заканадаўства ў гэтым напрамку. У 2023 годзе ў пракуратуру раёна паступіла 55 зваротаў грамадзян і юрыдычных асоб, з іх 37 разгледжана па сутнасці, астатнія накіраваны ў іншыя дзяржаўныя органы і арганізацыі па кампетэнцыі.   

Паступіўшыя звароты тычыліся розных пытанняў – следства і дазнання, аб працы, прад'яўленні ў суд іскаў у інтарэсах грамадзян і юрыдычных асоб, аб адміністрацыйнай адказнасці і іншых. Па выніках разгляду зваротаў у 21 выпадку прыняты меры пракурорскага рэагавання, што садзейнічала аднаўленню парушаных правоў грамадзян і аказанню садзейнічання ў іх рэалізацыі. 

У 2023 годзе пракурорскімі работнікамі ў ходзе правядзення асабістага прыёму прынята 64 чалавекі. Грамадзянам дадзены растлумачэнні дзеючага заканадаўства, а ў выпадках, якія патрабуюць дадатковай праверкі доказаў, прыняты пісьмовыя заявы. У ходзе асабістых зносін ёсць магчымасць атрымаць больш інфармацыі аб праблеме, якая хвалюе чалавека, і аказаць дапамогу ў яе вырашэнні. Пры гэтым бываюць выпадкі, калі грамадзянін звяртаецца па адным пытанні, а праблема крыецца ў іншым. Напрыклад, на асабісты прыём да пракурора раёна звярнулася мясцовая жыхарка Б. з нагоды ўтрымання з яе грашовых сродкаў па выканаўчых дакументах. У ходзе зносін высветлілася, што даўгі ў Б. утварыліся ў выніку супрацьпраўных дзеянняў жыхара г.Мінска Г. Пасля правядзення АУС Бешанковіцкага райвыканкама праверкі ў адносінах да Г. Бешанковіцкім РАСК узбуджана крымінальная справа, якая па заканчэнні расследавання пракурорам раёна накіравана ў суд. Па выніках судовага разгляду Г. прызнаны вінаватым у здзяйсненні злачынстваў, прадугледжаных арт.209 Крымінальнага кодэкса Рэспублікі Беларусь (махлярства), яму прызначана пакаранне ў выглядзе пазбаўлення волі. Судом таксама задаволены патрабаванні пацярпелай Б. аб спагнанні шкоды, прычыненай супрацьпраўнымі дзеяннямі абвінавачанага. 

Пракурор Бешанковіцкага раёна 

саветнік юстыцыі                                                                С.А.Урбановіч