Інфармацыя аб рабоце са зваротамі грамадзян

ЗВАРОТЫ ГРАМАДЗЯН

У 2025 годзе ў Бешанковіцкі раённы выканаўчы камітэт (далей – райвыканкам) і структурныя падраздзяленні з правам юрыдычнай асобы паступіла 324 звароты грамадзян (у 2024 годзе – 334 звароты), што складае 97% да ўзроўню мінулага года. З іх: пісьмовых – 170 зваротаў (2024 – 202 звароты), вусных – 93 звароты (2024 – 74 звароты), электронных – 61 зварот (2024 – 58 зваротаў).

У райвыканкам паступіла 199 зваротаў грамадзян (у 2024 годзе – 206 зваротаў), што складае 96% да ўзроўню мінулага года. З іх: пісьмовых – 64 звароты (2024 – 83 звароты), вусных – 93 звароты (2024 – 74 звароты), электронных – 42 звароты (2024 – 49 зваротаў).

У разрэзе тэрытарыяльнай прыналежнасці часцей жыхары звяртаюцца  з сельскай мясцовасці – 81 зварот: з іх: Бешанковіцкі с/с (26), Верхнякрывінскі с/с (17), Саржыцкі с/с (12), Астровенскі с/с (11), Ульскі с/с (7), Вярхоўскі с/с (6), Бачэйкаўскі с/с (2). З г.п.Бешанковічы – 67 зваротаў, ад іншагародніх грамадзян –  51 зварот,

У 2025 годзе ў зваротах, якія паступілі ў райвыканкам, пераважалі пытанні:

жыллёвы фонд і жыллёва-камунальная гаспадарка (107 пытанняў, у 2024 – 91 пытанне) з іх па пытаннях: добраўпарадкавання і ўтрымання населеных пунктаў (62), рамонту і ўтрымання жыллёвага фонду (14), жыллё ў сельскай мясцовасці (11), прадастаўлення арэнднага жылля (8), камунальных паслуг (6),  паляпшэння жыллёвых умоў (5);

землеўпарадкаванне і землекарыстанне (31 пытанне, у 2024 – 26 пытанняў) па пытаннях: устанаўлення межаў, выкарыстання зямель (21), адабрання і прадастаўлення зямельных участкаў (8);

транспарт (11 пытанняў, у 2023 – 5 пытанняў) па пытаннях: рамонту, будаўніцтва і ўтрымання дарог (10), работы пасажырскага транспарту (1);

архітэктура і будаўніцтва (9  пытанняў, у 2024 – 20 пытанняў);

праца, занятасць насельніцтва, ахова працы (9  пытанняў, у 2024 – 6 пытанняў);

ахова навакольнага асяроддзя (5 пытанняў, у 2024 – 9 пытанняў).

гандаль, спажывецкі рынак  (4 пытанні, у 2024 – 3 пытанні);

сацыяльнае і пенсійнае забеспячэнне (3 пытанні, у 2024 – 2 пытанні);

Колькасць калектыўных зваротаў знізілася да ўзроўню мінулага года з 23 да 17. Ад агульнай колькасці зваротаў складае 8%. Асноўныя пытанні калектыўных зваротаў: добраўпарадкаванне і ўтрыманне населеных пунктаў, у тым ліку ўтрыманне вулічна-дарожнай сеткі (12).

ЗВАРОТЫ ЮРЫДЫЧНЫХ АСОБ

У 2025 годзе ў райвыканкам паступіла 7 зваротаў ад юрыдычных асоб, у 2024 – 4 звароты.

АСАБІСТЫЯ І ВЫЯЗНЫЯ ПРЫЁМЫ

Асабістыя прыёмы грамадзян і прадстаўнікоў юрыдычных асоб, у тым ліку выязныя, праводзяцца ў адпаведнасці з зацвярджанымі старшынёй райвыканкама графікамі. Арганізаваны папярэдні запіс на асабісты прыём.