Кранальным момантам стаў паказ фрагмента з легендарнага фільма «У бой идут одни старики». Сімвалічна, на сцэну выйшаў сам Рамэо — народны артыст Узбекістана Рустам Сагдулаеў і гледачы не шкадавалі апладысментаў для любімага акцёра.

Любімая «Смуглянка» і перформанс «А вы не з Віцебска?» сталі яркімі момантамі свята. Студэнты ВДУ ім. П. Машэрава Яна, Паліна і Цімафей засталіся ў поўным захапленні ад народнага танца «Белае золата». Раней хлопцы ніколі не бачылі нацыянальных узбекскіх касцюмаў і творчых нумароў, таму праграма прыйшлася ім па душы.