Перавозка небяспечных грузаў у перыяд уборачнай кампаніі

Ужо ў самым разгары ўборачная кампанія, і адным з асноўных фактараў, якія ўплываюць на ўборку ўраджаю, з'яўляецца бесперабойнае забеспячэнне палівам сельскагаспадарчай тэхнікі. Але нават у гэты перыяд не варта забываць пра бяспеку перавозкі небяспечных грузаў. У забеспячэнні бяспекі перавозкі небяспечных грузаў няма другарадных патрабаванняў, але ёсць парушэнні, якія могуць прывесці не толькі да вялікіх штрафаў, але і да забароны на эксплуатацыю транспартнага сродку.

Хочацца нагадаць парушэнні, пры якіх эксплуатацыя транспартнага сродку забараняецца:
дэфекты рамы, злучальнай прылады, тармазной сістэмы, бачныя парушэнні геаметрыі корпуса цыстэрны і іх элементаў;
працяканні ў злучэннях трубаправодаў і арматуры, пацёкі праз ушчыльненні помпаў, вентыляў, засавак, пракладкі разьбовых злучэнняў, заглушак і тарцавых ушчыльненняў, пацёкі і страты перавозімых вадкасцяў (матэрыялаў) праз шчыльнасці злучэнняў цыстэрны і рукавоў;
бачныя зазоры ў месцах мацавання цыстэрны да рамы (шасі) аўтамабіля, геаметрычная дэградацыя крапежных элементаў цыстэрны, апор, стрэмянак;
транспартны сродак не прайшоў дзяржаўны тэхнічны агляд і на яго не атрымана дазвол на допуск транспартнага с

змены ў канструкцыі цыстэрны выкананы без узгаднення з вытворцам, а ў выпадку ўнясення ў канструкцыю змены, якая ўплывае на бяспеку дарожнага руху, – без дакумента, які пацвярджае адпаведнасць транспартнага сродку патрабаванням бяспекі;
маюцца пашкоджанні вечкаў загрузачных люкаў, іх запораў і дэталей ушчыльнення;
на цыстэрнах адсутнічаюць зазямляльныя прылады, прадугледжаныя эксплуатацыйнай дакументацыяй, альбо пунктам 58 Правілаў па забеспячэнні бяспекі перавозкі небяспечных грузаў аўтамабільным транспартам у Рэспубліцы Беларусь, зацверджаных пастановай Міністэрства па надзвычайных сітуацыях Рэспублікі Беларусь ад 17.05.2021 № 35.
Аднак, улічваючы працяглы тэрмін эксплуатацыі аўтамабільных цыстэрн і спецыфіку сельскагаспадарчых работ, неабходна пастаянна звяртаць увагу на тэхнічны стан нясучых і крапежных элементаў цыстэрн, стан шын, абароненасць электраправодкі, якая знаходзіцца ва выбухова-пажаранебяспечных зонах аўтацыстэрн, спраўнасць зазямляльных прылад і сродкаў пажаратушэння і абавязковага выкарыстання сістэмы інфармацыі аб небяспецы (уключэнне маячка аранжавага колеру, уключэнне блізкага святла фар і г.д.). 
Усе светлыя нафтапрадукты, якія выкарыстоўваюцца ў якасці паліва, па сваёй прыродзе з'яўляюцца лёгкаўзгаральнымі, некаторыя валодаюць ядавітымі ўласцівасцямі, таму, пры выкананні вышэйуказаных работ неабходна строга выконваць устаноўленыя правілы перавозкі небяспечных грузаў і супрацьпажарныя мерапрыемствы.