Па іску пракурора Бешанковіцкага раёна абаронены правы і законныя інтарэсы непаўналетняга дзіцяці.

У пракуратуру Бешанковіцкага раёна Віцебскай вобласці звярнулася В.В.І. з заявай аб аказанні дапамогі ў пазбаўленні бацькоўскіх правоў Л.В.Г. у дачыненні да непаўналетняга В.М.В.

У ходзе праверкі пракуратурай Бешанковіцкага раёна ўстаноўлена, што грамадзянін Л. доўгі перыяд часу не працаваў, з моманту нараджэння дзіцяці матэрыяльную дапамогу не аказваў, удзел у выхаванні не прымаў, клопат аб фізічным развіцці і здароўі дзіцяці не праяўляў.

Сабраныя дадзеныя аб асобе грамадзяніна Л. сведчылі аб тым, што апошні неаднаразова судзімы, у тым ліку да пакарання ў выглядзе пазбаўлення волі, а таксама на момант разгляду пытання аб пазбаўленні бацькоўскіх правоў адбываў такое пакаранне па прыгаворы суда, схільны да агрэсіі і здзяйснення супрацьпраўных дзеянняў у дачыненні да блізкіх сваякоў, злоўжываў спіртнымі напоямі, падтрымліваў сувязь з асобамі, якія вядуць антыграмадскі лад жыцця, неаднаразова прыцягваўся да адміністрацыйнай адказнасці за здзяйсненне правапарушэнняў у стане алкагольнага ап'янення. Апошняе злачынства здзейснена Л. у дачыненні да сваёй маці па месцы пражывання В.В.І. і на вачах у непаўналетняга В.М.В.

Па выніках праверкі пракуратурай Бешанковіцкага раёна ў мэтах абароны правоў і законных інтарэсаў дзіцяці ў адпаведнасці са арт.80 кодэкса Рэспублікі Беларусь аб шлюбе і сям'і накіравана іскавая заява аб пазбаўленні бацькоўскіх правоў Л.

Па выніках разгляду грамадзянскай справы суд Бешанковіцкага раёна прыняў рашэнне аб пазбаўленні грамадзяніна Л. бацькоўскіх правоў у дачыненні да непаўналетняга В.М.В.

Рашэнне суда ўступіла ў законную сілу.

Памочнік пракурора

Бешанковіцкага раёна

юрыст 2 класа Е.Р.Чудакоў