Па маршруце аўтакрамы

У рамках Рэспубліканскай акцыі «З клопатам пра бяспеку малой Радзімы» работнікі Бешанковіцкага раённага аддзела па надзвычайных сітуацыях правялі рэйд па маршруце аўтамагазіна на тэрыторыі Верхнякрывінскага сельскага Савета.

Падчас руху па населеных пунктах раёна, галоўнае, на чым акцэнтавалі ўвагу ратавальнікі – надыходзячы ацяпляльны сезон. Цяпер, можна сказаць, апошняя магчымасць перад ацяпляльным сезонам, правесці прафілактычныя работы ля ацяпляльных печаў: праверыць спраўнасць комінаў і цэласнасць саміх печаў,  пракантраляваць наяўнасць цягі, устанавіць прытопачныя лісты. Прыводзячы прыклады пажараў, інспектар сектара прапаганды і ўзаемадзеяння з грамадскасцю Дар'я Берастень распавядала аб папярэдніх пажару падзеях, што паслужыла прычынай пажару, а таксама што ва ўсіх злавесных надзвычайных здарэннях агульнага.

– Беспапярэчным фактам, які аб'ядноўвае большасць пажараў, стала тое, што без праславутага «чалавечага фактару» нікуды не падзецца – распавядае інспектар. – Не выцягнутая вілка з разеткі, пакінутыя без нагляду дзеці, маленькая трашчына ў муры печы – гэта ўсё звёны аднаго фатальнага ланцуга. І ў нашых сілах зрабіць усё, каб не дапусціць бяду, усяго толькі трэба быць крыху уважлівей.

Кожнаму сельскаму жыхару інспектар старалася не толькі нагадаць правілы бяспекі, але і на якія моманты звярнуць увагу ў паўсядзённым жыцці.