Па заяве пракуратуры Бешанковіцкага раёна інфармпрадукцыя Telegram-чата «БЕШАНКОВІЧЫ ўчора сёння заўтра» прызнана экстрэмісцкай

Пракуратура Бешанковіцкага раёна прааналізавала размешчаныя ў Telegram-чаце «БЕШАНКОВІЧЫ ўчора сёння заўтра» інфармацыйныя паведамленні.

Устаноўлена, што з даты стварэння чата (02.12.2020) і па цяперашні час публікуюцца паведамленні, накіраваныя на арганізацыю і ажыццяўленне масавых беспарадкаў, актаў вандалізму, спалучаных з пашкоджаннем або знішчэннем маёмасці, перашкоду законнай дзейнасці дзяржаўных органаў, дыскрэдытацыю органаў дзяржаўнай улады і кіравання, захоп або ўтрыманне ўлады неканстытуцыйным шляхам, а таксама ў публічных закліках і публічным апраўданні такіх дзеянняў.

Доступ да названага рэсурсу мог атрымаць без перашкод і абмежаванняў любы грамадзянін, які выкарыстоўвае сетку Інтэрнэт і месенджар Telegram.

Адміністрацыя дадзенага канала сістэмных дзеянняў па блакіроўцы або процідзеянні публікацыям экстрэмісцкай накіраванасці не прымала.

На падставе палажэнняў Закона Рэспублікі Беларусь «Аб процідзеянні экстрэмізму» пракурор Бешанковіцкага раёна звярнуўся ў суд з заявай аб прызнанні інфармацыйнай прадукцыі Telegram-чата «БЕШАНКОВІЧЫ ўчора сёння заўтра» экстрэмісцкімі матэрыяламі.

Суд Бешанковіцкага раёна задаволіў заяву пракурора раёна і дапусціў неадкладнае выкананне прынятага рашэння. Копія накіравана ў Міністэрства інфармацыі для ўключэння ў рэспубліканскі спіс экстрэмісцкіх матэрыялаў і блакіроўкі Інтэрнэт-рэсурсу, які спрыяе распаўсюджванню экстрэмісцкіх матэрыялаў на тэрыторыі Рэспублікі Беларусь.

Праца ў дадзеным напрамку будзе працягнута.

Памочнік пракурора

Бешанковіцкага раёна

юрыст 2 класа С.А. Кір'янаў