Падведзены вынікі работы са зваротамі

Адзін з асноўных крытэрыяў ацэнкі дзейнасці любога дзяржаўнага органа з'яўляецца абарона правоў і законных інтарэсаў грамадзян. Паспяховае вырашэнне гэтых задач шмат у чым залежыць ад таго, наколькі эфектыўна дзейнічае сістэма работы з насельніцтвам.

Дадзеныя патрабаванні ў поўнай меры адносяцца да органаў пракуратуры, на якія ўскладзены функцыі па забеспячэнні законнасці і вяршэнства права ў дзяржаве.

Варта адзначыць, што ў мінулым годзе толькі на асабістых прыёмах да пракурорскіх работнікаў звярнулася больш за 6,5 тысяч чалавек. Для зручнасці грамадзян у пракуратуры вобласці (адзінай у рэспубліцы) асабісты прыём грамадзян ажыццяўляецца ў працоўныя дні з 8.00 гадзін да 20.00 гадзін, а таксама па выхадных днях – з 9.00 да 14 гадзін.

Таксама пракурорам вобласці ў 2019 годзе зменены парадак ажыццяўлення асабістага прыёму грамадзян і прадстаўнікоў юрыдычных асоб яго намеснікамі. Так, зараз абскардзіць дзеянні (рашэнні) пракурораў гарадоў і раёнаў, Віцебскага транспартнага пракурора, а таксама кіраўнікоў структурных падраздзяленняў пракуратуры вобласці (па курыруемых намеснікамі пракурора вобласці напрамках) можна без папярэдняга запісу ў ўстаноўленыя дні і гадзіны (панядзелак, серада, чацвер, з 8.00 да 13.00 гадзін альбо з 14.00 да 20.00 гадзін). Больш падрабязныя звесткі змяшчаюцца на інфармацыйным стэндзе пракуратуры вобласці і сайтах Віцебскага аблвыканкама і Генеральнай пракуратуры Рэспублікі Беларусь.

Аб даверы да органаў пракуратуры таксама сведчыць той факт, што у 2018 годзе грамадзяне і юрыдычныя асобы падалі больш за 9,3 тысяч пісьмовых заяў, траціна з якіх не адносілася да кампетэнцыі пракурорскіх работнікаў.

Непасрэдна вырашана 5,5 тысяч зваротаў. Больш за ўсё зваротаў вырашана ў аблапараце, пракуратурах г.Віцебска, г.Наваполацка, Аршанскага, Полацкага, Віцебскага, Талачынскага, Чашніцкага, Лепельскага, Гарадоцкага раёнаў.

Нягледзячы на тое, што ў вобласці адзначаецца зніжэннеколькасці вырашаных зваротаў, іх задавальняльнасць павялічваецца і складае амаль 30%. Найбольш высокая ўдзельная вага задаволеных зваротаў у пракуратурах: Шаркаўшчынскага (68,8%), Пастаўскага (64,2%), Лепельскага (61,6%), Лёзненскага (61,4%), Гарадоцкага (60,9%), Докшыцкага (57,1%), Талачынскага (53,2%), Бешанковіцкага (52,8%) раёнаў, на што варта звярнуць увагу кіраўнікам мясцовых органаў улады, праваахоўных органаў.