Людміла Анатолеўна адна выхоўвае траіх сыноў. Старэйшы, Аляксей, цяпер праходзіць тэрміновую ваенную службу ў 103-й Віцебскай асобнай гвардзейскай паветрана-дэсантнай брыгадзе. Малодшыя — Мікалай і Уладзіслаў — вучні першай школы райцэнтра.

Удзел у рэспубліканскай дабрачыннай акцыі «Нашы дзеці» арганізацыя прымае ўжо не першы год. Рашэнне наведваць сем'і вайскоўцаў тэрміновай ваеннай службы, прызваных і адпраўленых у войскі з шматдзетных сем'яў, афіцэры прынялі на агульным сходзе, каб не толькі павіншаваць родных салдат з Новым годам і Калядамі, але і пагутарыць з бацькамі, быць звязуючым звяном паміж сям'ёй і Узброенымі Сіламі нашай краіны.

"Зара"