Асноўнай задачай паліўна-энергетычнага комплексу ў восеньска-зімовы перыяд з'яўляецца ўстойлівае і надзейнае забеспячэнне эканомікі насельніцтва палівам і энергіяй, забеспячэнне бесперабойнага і безаварыйным функцыянавання газатранспартнай сістэмы, энергетычных установак і дапаможных сістэм.
З мэтай дасягнення названых параметраў Бешанковіцкімі РЭС прадпрыемства РУП «Віцебскэнерга» рэканструявана паветраных ліній 0,4-10кВ працягласцю 22,009 км. у аграгарадках Верхняе Крывіна і Ржаўка, вёсках Пушкары, Белае, Холм, Хоціна. У выніку праведзенай рэканструкцыі ў 6 вышэйуказаных населеных пунктах атрымалі магчымасць выкарыстоўваць электраэнергію ў сваіх домаўладаннях для мэт ацяплення, гарачага водазабеспячэння і прыгатавання ежы.

У планах на 2026 год плануюцца да здачы аб'екты пасля рэканструкцыі сетак ВЛ-10-04 кВ у вёсцы Гняздзілава, аграгарадках Будзілава і Вядзерава.

Неабходна адзначыць, што па стане на 14 мая 2026 года – 1251 абанент нашага раёна ўжо выкарыстоўвае электраэнергію для мэт ацяплення і гарачага водазабеспячэння ў жылых дамах.

Для падтрымання электрычных сетак у спраўным стане выкананы капітальны рамонт 16,59 км. паветраных ліній напружаннем 0,4кВ. Праведзены капітальны рамонт 56 трансфарматарных падстанцый 10/0,4 кВ.

Напрыклад, Бешанковіцкім участкам Лепельскага філіяла АУП «Віцебскаблтоп» забяспечана бесперабойная пастаўка паліва спажыўцам раёна. За 2025 год рэалізавана насельніцтву 6637 куб. метраў дроў і 679 тон торфабрыкетаў, што складае 105 і 71 % да ўзроўню 2024 года адпаведна. За студзень-красавік 2026 г. забяспечана дровы 415 домаўладанняў, торфабрыкетам – 67 домаўладанняў.

Кіраўнікам суб'ектаў гаспадарання, якія забяспечваюць функцыянаванне крыніц электрычнай і цеплавой энергіі, газавых, электрычных і цеплавых сетак, аб'ектаў сацыяльна-культурнай сферы, жыллёва-камунальнай гаспадаркі, жыллёвага фонду, транспарту, дарожнай сеткі, іншым зацікаўленым з улікам вынікаў функцыянавання ў ацяпляльны перыяд 2025/2026 года рашэннем райвыканкама даручана забяспечыць: да 1 верасня 2026 г. поўную гатоўнасць аб'ектаў да працы ў восеньска-зімовы перыяд 2026/2027 года ў парадку, устаноўленым Правіламі падрыхтоўкі арганізацый да ацяпляльнага сезона, яго правядзення і завяршэння, зацверджанымі пастановай Савета Міністраў Рэспублікі Беларусь ад 14 мая 2020 г. №286, у тым ліку рэгістрацыю ў органах дзяржэнергагазнагляду пашпартоў гатоўнасці цеплакрыніц і спажыўцоў цеплавой энергіі.

На парадку дня было таксама пытанне «Аб дэбюракратызацыі дзяржаўнага апарату і павышэнні якасці забеспячэння жыццядзейнасці насельніцтва» ў Бешанковіцкім раёне. Удзел у абмеркаванні тэмы прыняла дырэктар Рэгіянальнага цэнтра прававой інфармацыі Віцебскай вобласці Ларыса Мікалаеўна Дарагава.

Найбольш часта грамадзяне і суб'екты гаспадарання звяртаюцца ў мясцовыя выканаўчыя органы па пытанні здзяйснення адміністрацыйных працэдур.
У 2025 годзе службай «адзінае акно» райвыканкама прынята 2682 заявы.

Найбольш запатрабаваныя адміністрацыйныя працэдуры, прыём заяў па якіх ажыццяўляе служба «адзінае акно», — тыя, што датычацца жыллёвых праваадносін, архітэктуры і будаўніцтва, а таксама атрымання інфармацыі з Адзінага дзяржаўнага рэгістру юрыдычных асоб і індывідуальных прадпрымальнікаў.

У 2025 годзе ў райвыканкам і яго структурныя падраздзяленні, надзеленыя правамі юрыдычнай асобы, паступіла 324 звароты грамадзян, што на 3 працэнты менш за ўзровень 2024 года. Асноўная тэматыка зваротаў грамадзян: органы ўнутраных спраў, жыллёвы фонд і жыллёва-камунальная гаспадарка, землеўпарадкаванне і землекарыстанне. У сельвыканкамах часцей за ўсё — звароты па пытаннях добраўпарадкавання і землеўпарадкавання.
"Зара"