Галоўная задача ратавальнікаў – папярэдзіць бяду, а калі пазбегнуць пажару ўсё не ўдалося – то навучыць грамадзян дзейнічаць максімальна правільна, каб мінімізаваць наступствы.

   У рамках правядзення рэспубліканскай акцыі «Адзіны дзень бяспекі» работнікі Бешанковіцкага раённага аддзела па надзвычайных сітуацыях праводзяць сустрэчы з працоўнымі калектывамі раёна, стараюцца знайсці падыход да кожнага грамадзяніна і растлумачыць як правільна сябе паводзіць у тых ці іншых сітуацыях, як убяспечыць сваё жыллё ад пажараў і дзе можна атрымаць такія важныя веды аб бяспецы.

   Сёння ратавальнікі сустрэліся з работнікамі цэха інкубацыі таварыства з абмежаванай адказнасцю «Вітконпрадукт», які размешчаны ў гарадскім пасёklку Бешанковічы.

   Работнікі МНС праінфармавалі прысутных аб пажарах і надзвычайных сітуацыях, якія адбыліся ў вобласці, раёне у бягучым годзе і іх наступствах. Растлумачылі, што асноўнымі прычынамі узнікнення надзвычайных сітуацый у жылым сектары па-ранейшаму застаюцца неасцярожнае абыходжанне з агнём, парушэнне правілаў эксплуатацыі печанай ацяплення

і электраабсталявання, дзіцячыя свавольствы з агнём. У большасці выпадкаў пажары – вынік бестурботнасці і грэбавання правіламі бяспекі. Таксама кожны прысутны змог на практыцы адпрацаваць навыкі карыстання вогнетушыцелем, задаць хвалюючыя пытанні ратавальнікам.

   У завяршэнні выступлення работнікі МНС нагадалі прысутным аб мабільным дадатку «МНС Беларусі. Дапамога побач», дзе падрабязна апісаны дзеянні і правілы паводзін падчас надзвычайных сітуацый, а таксама правілы аказання першай медыцынскай дапамогі.