Пракуратура Бешанковіцкага раёна: санкцыянавана заключэнне пад варту па справе аб наўмысным прычыненні цяжкіх цялесных пашкоджанняў у г.п.Бешанковічы

Пракурор Бешанковіцкага раёна санкцыянаваў прымяненне меры стрымання ў выглядзе заключэння пад варту ў дачыненні да А. – яму інкрымінавана наўмыснае прычыненне цяжкіх цялесных пашкоджанняў мясцоваму жыхару.

Згодна з матэрыяламі справы, А. ў перыяд з 26.02.2023 на 27.02.2023 на лесвічнай пляцоўцы шматкватэрнага жылога дома г.п.Бешанковічы, у стане алкагольнага ап'янення ў ходзе сваркі нанёс адзін удар нажом у грудную клетку суседу па пад'ездзе К., прычыніўшы цяжкія цялесныя пашкоджанні, у выніку пацярпелы шпіталізаваны ва ўстанову аховы здароўя.

Па ўказаным факце Бешанковіцкім раённым аддзелам Следчага камітэта Рэспублікі Беларусь у дачыненні да А. узбуджана крымінальная справа па ч.1 арт.147 Крымінальнага кодэкса Рэспублікі Беларусь. Арганізаваны неадкладныя следчыя дзеянні, накіраваныя на ўстанаўленне ўсіх абставін злачынства.

Пракурор раёна санкцыянаваў прымяненне меры стрымання ў выглядзе заключэння пад варту з улікам характару і грамадскай небяспекі зробленага.

Пракурор Бешанковіцкага раёна

саветнік юстыцыі С.А.Урбановіч