Пракуратура раёна напярэдадні надыходзячых святаў і дзіцячых канікул нагадвае аб неабходнасці выканання элементарных правіл бяспекі.

Надыходзяць зімовыя канікулы – час адпачынку дзяцей, цікавых спраў, новых уражанняў. У вашага дзіцяці з'явіцца больш вольнага часу для прыгод і дзіцячых фантазій, а ў Вас – клопатаў і трывог за іх бяспеку.
Каб пазбегнуць непрадбачаных сітуацый з дзецьмі, пераканаўча просім Вас паклапаціцца аб бяспецы вашых дзяцей. Памятайце, што ў гэты час значна павялічваецца рызыка вулічнага і бытавога траўматызму, асабліва небяспечны ў гэты перыяд тонкі лёд на вадаёмах (на тэрыторыі раёна маецца ўжо адзін няшчасны выпадак, які адбыўся з жыхаром нашага раёна, для якога любімае дзіця, зімовая рыбалка, скончылася смяротным зыходам).
Па магчымасці не пакідайце дзяцей без нагляду. Памятайце таксама аб небяспецы адкрытага агню, піратэхнічных вырабаў, якіх у дадзены момант прадаецца вялікая колькасць.
Асобна хацелася б адзначыць і паводзіны дзяцей у глабальнай камп'ютарнай сетцы Інтэрнэт. У цяперашні момант нядобразычліўцамі здзяйсняецца значная колькасць злачынстваў з выкарыстаннем камп'ютарных тэхналогій і падманам людзей, не рэдкія выпадкі, што і аб'ектам злачынства з'яўляецца дзіця. Не паведамляйце дадзеныя сваіх крэдытных карт, ні пад якім падставай, растлумачце гэта і свайму дзіцяці, у выпадку неабходнасці звяртайцеся непасрэдна ў банк, які выдаў картку. Акрамя гэтага, у розных сацыяльных сетках створана шэраг груп па ўцягванні, у т.л. і непаўналетніх, у несанкцыянаваныя мерапрыемствы і акцыі. У дадзеных акцыях не гарантуецца і не ўлічваецца бяспека ўдзельнікаў.
Бацькі, не заставайцеся безуважнымі і надавайце ўвагу захапленням сваіх дзяцей.          
Не забывайце і аб сваёй бяспецы, беражыце сябе, выконвайце хуткасны рэжым, улічвайце надвор'е, не грэбуйце правіламі  паводзін на водах у зімовы перыяд.   

Пракурор Бешанковіцкага раёна
малодшы саветнік юстыцыі                                            А.А. Старчанка