Пракурор Бешанковіцкага раёна Сяргей Урбановіч правёў выязны прыём грамадзян

Пракурор Бешанковіцкага раёна Сяргей Урбановіч правёў выязны прыём грамадзян у Бешанковіцкім філіяле Віцебскага абласнога спажывецкага таварыства.

Звароты, якія паступілі ў ходзе асабістага прыёму, тычыліся захавання дзеючага працоўнага заканадаўства і заканадаўства аб ахове працы – у тым ліку пытанняў аплаты працы, сацыяльных гарантый, рэгулявання рэжыму працы і адпачынку работнікаў, парадку і ўмоў прыцягнення да адказнасці.

Шэраг зваротаў тычыўся пытанняў абароны персанальных даных, што асабліва актуальна ў сувязі з развіццём высокіх тэхналогій і пераходу злачыннасці ў глабальную камп'ютарную сетку – Інтэрнэт.

Парада для звесткі, каб не стаць ахвярай злачынцаў:

- пазбягайце зносін з падазронымі суразмоўцамі;

- не прадастаўляйце доступ да сваіх акаўнтаў і асабістых даных;

- не захоўвайце інфармацыю, звязаную з персанальнымі данымі ў свабодным доступе;

- пры атрыманні паведамлення з просьбай перавесці грашовыя сродкі пераправерце дадзеную інфармацыю, патэлефанаваўшы таму, ад імя каго прыйшла просьба аб дапамозе;

- пры ажыццяўленні званка ў ваш адрас з боку нібыта работніка банка не прадастаўляйце яму канфідэнцыйную інфармацыю.

На ўсе паступіўшыя пытанні пракурорам раёна дадзены аргументаваныя адказы.