Пракурорскія работнікі ў Дзень Перамогі прынялі ўдзел ва ўрачыстых мерапрыемствах

Курган Вечнай Славы ў г.п.Бешанковічы быў закладзены жыхарамі раёна ў дзень 22-й гадавіны з дня вызвалення Бешанковіцкага раёна ад нямецка-фашысцкіх захопнікаў. Сюды прынеслі зямлю з магіл загінуўшых воінаў з падмаскоўных палёў, дзе ўпершыню былі разгромлены гітлераўскія войскі. У аснову Кургана лягла свяшчэнная зямля горада Ленінграда, Брэсцкай крэпасці, воінскіх пахаванняў раёна.

Традыцыйна ў мерапрыемствах ля сакральнага сімвала прымаюць удзел пракурорскія работнікі.

У Дзень Перамогі пракурор раёна Андрэй Старчанка разам з памочнікам пракурора раёна Сяргеем Кір'янавым прынялі ўдзел ва ўрачыстым мітынгу, у завяршэнне якога ўсклалі кветкі да памятнага месца.

Намеснік пракурора

Бешанковіцкага раёна

юрыст 1 класа В.В.Дойлідаў