Правесці час з карысцю? Лёгка!

     У рамках правядзення першага этапу рэспубліканскай акцыі «Дзень бяспекі. Увага ўсім!» ратавальнікі на чале з начальнікам Бешанковіцкага раённага аддзела па надзвычайных сітуацыях Жук Віктарам Анатольевічам арганізавалі квест-гульню для дзяцей на базе ДУА «Бешанковіцкі цэнтр дзяцей і моладзі».

     Перад пачаткам гульні дзеці падзяліліся на каманды і атрымалі маршрутныя лісты. Удзельнікам неабходна было прайсці 5 станцый, кожная з якіх уключала ў сябе не толькі практычнае заданне, але і заданні па веданні правілаў пажарнай бяспекі. Усе станцыі навучалі дзяцей чаму-небудзь: дзеянням падчас пажару, правільна выклікаць ратавальнікаў, альбо ліквідаваць наступствы разліву ртуці з градусніка. Час праходжання станцый уплываў на канчатковы вынік, што надавала дадатковы стымул для праходжання станцый. Пасля праходжання ўсіх выпрабаванняў былі вызначаны пераможцы і правераны атрыманыя веды.

     Лепшых ратавальнікі ўзнагародзілі памятнымі прызамі.