Рашэнне Бешанковіцкага раённага выканаўчага камітэта ад 29 студзеня 2026 г. № 98 "Аб псіхалагічнай гутарцы"
На падставе пункта 1 артыкула 40 Закона Рэспублікі Беларусь ад 4 студзеня 2010 г. № 108-3 «Аб мясцовым кіраванні і самакіраванні ў Рэспубліцы Беларусь», пункта 3 Палажэння аб псіхалагічнай гутарцы, зацверджанага пастановай Савета Міністраў Рэспублікі Беларусь ад 5 снежня 2025 г. № 706, Бешанковіцкі раённы выканаўчы камітэт РАШЫЎ:
1. Вызначыць установай аховы здароўя «Бешанковіцкая цэнтральная раённая бальніца» (далей - УАЗ «Бешанковіцкая цэнтральная бальніца») арганізацыяй для забеспячэння правядзення псіхалагічнай гутаркі з фізічнымі асобамі, якія плануюць ажыццяўляць або ажыццяўляюць педагагічную дзейнасць, педагагічную дзейнасць у сферы фізічнай культуры і спорту, а таксама прэтэндуюць на заняцце пасад служачых, звязаных з выкананнем выхаваўчых функцый, іншых пасад служачых, прафесій рабочых, звязаных з пастаяннай працай з дзецьмі, або займаюць такія пасады.
2. УАЗ «Бешанковіцкая цэнтральная раённая бальніца» на працягу трох рабочых дзён з даты атрымання запыту ад наймальніка інфармаваць яго аб даце правядзення гутаркі і не пазней за дзесяць рабочых дзён з даты атрымання запыту забяспечваць накіраванне псіхолага да наймальніка для правядзення псіхалагічнай гутаркі.
3. Аддзелу ідэалагічнай работы і па справах моладзі Бешанковіцкага раённага выканаўчага камітэта размясціць інфармацыю аб вызначэнні УАЗ «Бешанковіцкая цэнтральная раённая бальніца» арганізацыяй, якая забяспечвае псіхалагічную гутарку, на афіцыйным сайце Бешанковіцкага раённага выканаўчага камітэта ў глабальнай камп'ютарнай сетцы Інтэрнэт.
4. Кантроль за выкананнем гэтага рашэння ўскласці на намесніка старшыні Бешанковіцкага раённага выканаўчага камітэта па напрамку дзейнасці.