Для прадухілення падобных выпадкаў і павышэння ўзроўню культуры бяспекі жыццядзейнасці насельніцтва з 15 снежня 2025 года па 7 студзеня 2026 года ў Бешанковіцкім раёне, як і па ўсёй рэспубліцы, праводзіцца прафілактычная акцыя «Бяспечны Новы год!». У ходзе акцыі работнікі Бешанковіцкага раённага аддзела па надзвычайных сітуацыях арганізуюць сустрэчы і інфармацыйныя мерапрыемствы з насельніцтвам.

Ратавальнікі нагадаюць асноўныя правілы абыходжання з піратэхнічнымі вырабамі, бяспечнай устаноўкі навагодняй елкі, а таксама парадак дзеянняў у экстранных сітуацыях.

МНС заклікае жыхароў раёна праявіць свядомасць: выконваць правілы бяспекі, быць уважлівымі ў святочныя дні і прыняць удзел у мерапрыемствах акцыі.