Акцыя праходзіць па ініцыятыве Прэзідэнта краіны, і яе галоўная задача – акружыць клопатам і ўвагай пажылых людзей у рамках такіх светлых святаў, як Новы год і Каляды.

Павіншаваць жыхароў пансіяната «На Дзвіне» прыйшлі старшыня абласнога Савета дэпутатаў, старшыня абласнога ГА «Белая Русь» Дзмітрый Дзямідаў, член прэзідыума Усебеларускага народнага сходу, генеральны дырэктар УП «Віцебскаблгаз» Аляксандр Бранцэвіч, старшыня камітэта па працы, занятасці і сацыяльнай абароне аблвыканкама Барыс Ефрэмаў, старшыня аб'яднанай прафсаюзнай арганізацыі УП «Віцебскаблгаз» Святлана Мядзведзька.

– Акцыя «Ад усёй душы» – выдатная традыцыя, падчас якой мы можам выказаць словы прызнальнасці людзям старэйшага пакалення за вашу працу, – адзначыў Дзмітрый Дзямідаў. – Мы разумеем, што жыццё любой дзяржавы, любога народа – гэта бесперапынны ланцуг пакаленняў і, вядома ж, наш абавязак – заўсёды памятаць і быць удзячнымі тым, хто ствараў, захоўваў і развіваў краіну да нас. Ад свайго імя, ад імя ўсіх датычных да гэтага свята шчыра віншую вас з надыходзячымі Калядамі Хрыстовымі. Няхай святло Віфлеемскай зоркі заўсёды асвятляе ваш жыццёвы шлях, а Вера, Надзея, Любоў суправаджаюць вас. Здароўя, актыўнага даўгалецця, добрага настрою!

Ад імя ўсіх прысутных гасцей Дзмітрый Дзямідаў уручыў сацыяльнаму прытулку «На Дзвіне» падарункавыя сертыфікаты, а таксама цёпла павіншаваў з мінулым святам работнікаў сацыяльнай абароны.

Па-сапраўднаму святочную атмасферу стварылі самадзейныя артысты УП «Віцебскаблгаз».

vitebsk-region.gov.by