Прыміце шчырыя віншаванні з Днём гарадскога пасёлка Бешанковічы, з яго 578-годдзем!
Гэты свята аб'ядноўвае ўсіх бешанковічан, незалежна ад узросту, прафесіі і сацыяльнага статусу. Мы звязаны з нашым пасёлкам трывалай сувяззю. Мы хочам бачыць яго вечна маладым, прыгожым і ўтульным.
Калі прасачыць багатую гісторыю Бешанковіч, то відавочна, што жыхары пасёлка ва ўсе часы праяўлялі сябе як смелыя і самаадданыя людзі. Асаблівыя словы падзякі хочам сказаць тым, хто цаной уласнага жыцця адстаяў гонар і незалежнасць нашага краю ў гады Вялікай Айчыннай вайны, аднаўляў народную гаспадарку ў пасляваенны няпросты час.
Будучыня нашага пасёлка — у нашых руках! Жыхары Бешанковіч — людзі працавітыя, таленавітыя і энергічныя, а гэта значыць, што наперадзе ў нас новыя важныя дасягненні і яркія перспектывы.
Міру, шчасця, здароўя, дабрабыту! З святам! З Днём гарадскога пасёлка Бешанковічы!

Галіна Унуковіч, старшыня раённага выканаўчага камітэта.
Генадзь Шведаў, старшыня раённага Савета дэпутатаў.