Прыміце самыя цёплыя віншаванні са светлым святам Уваскрасення Хрыстова!

Гэтае свята сімвалізуе радасць жыцця і абнаўлення, умацоўвае нашу веру ў дабро і справядлівасць. Уваскрасенне Хрыстова вернікі ўспрымаюць як сімвал надзеі і духоўнага адраджэння, вернасці маральным каштоўнасцям, якія ва ўсе часы рабілі нашу Радзіму моцнай: гэта цярпенне, спачуванне, міласэрнасць, патрыятызм і любоў да бліжняга.

У гэтае светлае свята кожны з нас імкнецца акружыць клопатам родных і блізкіх, падарыць ім цяпло душэўных зносін. Вялікдзень аб'ядноўвае людзей, вучыць брацкай узаемадапамозе, уменню дараваць, натхняе на стваральную працу і новыя здзяйсненні.

Жадаем вам і вашым блізкім моцнага здароўя, міру, шчасця! Няхай велікодная радасць суправаджае кожнага, у дамах і сем'ях пануюць згода і дабрабыт, сэрцы напаўняюцца верай і любоўю, а справы — поспехам!

Галіна УНУКОВІЧ, старшыня раённага выканаўчага камітэта
Аляксандр ЕРАШОЎ, старшыня раённага Савета дэпутатаў