Кіраўніцтва раёна віншуе супрацоўнікаў і ветэранаў службы МНС з прафесійным святам

Паважаныя супрацоўнікі і ветэраны службы МНС Бешанковіцкага раёна!

Прыміце шчырыя віншаванні з прафесійным святам!

Ратаванне чалавечага жыцця — складаная, адказная і вельмі ганаровая праца, якая патрабуе самаадданасці і мужнасці, высокай кваліфікацыі і ініцыятыўнасці. Вы прыходзіце на дапамогу ў любой крытычнай сітуацыі, вы штодня дапамагаеце пацярпелым, рызыкуючы сабой. Вялікі дзякуй вам за гераізм, неабыякавасць, уменне прадбачыць небяспеку, гатоўнасць прыйсці на дапамогу ў любую хвіліну! Асаблівыя словы падзякі — ветэранам службы за трывалую аснову сістэмы выратавання людзей і прадухілення здарэнняў. Вы з'яўляецеся заснавальнікамі слаўных традыцый, прыкладам прафесіяналізму і маральным арыенцірам для новых пакаленняў супрацоўнікаў.

Дарагія сябры, жадаем усім невычарпальнай жыццёвай сілы, менш трывожных званкоў і надзвычайных сітуацый, поспехаў у высакароднай справе служэння роднай Беларусі! Моцнага здароўя, шчасця, міру і дабрабыту вам і вашым сем'ям!

Галіна УНУКОВІЧ, старшыня раённага выканаўчага камітэта

Генадзь ШВЕДАЎ, старшыня раённага Савета дэпутатаў