Ваша прафесія — гэта прызванне, якое патрабуе велізарнай душэўнай шчодрасці. Вы штодня дапамагаеце тым, хто ў гэтым мае патрэбу, падтрымліваеце, дорыце надзею і ўпэўненасць у заўтрашнім дні.

Праца сацыяльнага работніка — гэта не толькі вырашэнне сацыяльных пытанняў, але і стварэнне цёплай атмасферы, у якой кожны чалавек адчувае сябе важным і патрэбным. Пацвярджэннем таму з'яўляецца акцыя «Ад усёй душы».

Сёння ў галіне сацыяльнай абароны Віцебшчыны працуе больш за 7 тысяч чалавек, дзейнічае 15 пансіянатаў, у якіх пражывае амаль 4 тысячы чалавек.

Выказваем вам шчырую падзяку і прызнанне за неацэнную працу, якая закранае сэрцы і жыцці многіх людзей.

Задачай надыходзячага года з'яўляецца захаванне дынамікі развіцця ўсёй сістэмы сацыяльнай абароны рэгіёна. У першую чаргу, рост узроўню заработнай платы, забеспячэнне больш эфектыўнай занятасці насельніцтва. Удасканаленне формы сацыяльнага абслугоўвання і забеспячэнне максімальнай даступнасці сацыяльных паслуг, што дазволіць павысіць якасць жыцця нашых грамадзян.

Жадаем вам здароўя, дабра, дабрабыту і новых працоўных поспехаў!

З павагай, А. М. Субоцін, старшыня Віцебскага абласнога выканаўчага камітэта, і Д. В. Дзямідаў, старшыня Віцебскага абласнога Савета дэпутатаў.

vitebsk-region.gov.by