З 20 па 26 лістапада ў Бешанковіцкім раёне праходзіць акцыя "Тыдзень прафілактыкі злачынстваў непаўналетніх у сферы незаконнага абароту наркотыкаў".
«Апошнім часам, — падкрэслівае начальнік аддзела ўнутраных спраў Бешанковіцкага райвыканкама Юрый Качаноў, — на тэрыторыі Віцебскай вобласці назіраецца рост злачынстваў у сферы незаконнага абароту наркотыкаў з удзелам непаўналетніх. Зафіксаваны 1 выпадак атручвання псіхаактыўным рэчывам падлеткам, які пражывае ў горадзе Віцебску. Выратаваць не адзін дзіцячы лёс, а то і жыццё, можа толькі сумесны і комплексны падыход да гэтай праблемы ўсіх суб'ектаў прафілактыкі».
У межах акцыі ва ўстановах адукацыі з удзелам спецыялістаў праходзяць тэматычныя дыялогавыя пляцоўкі, класныя і інфармацыйныя гадзіны, арганізаваны круглыя сталы, спартыўна-масавыя, іншыя прафілактычныя мерапрыемствы, накіраваныя на фарміраванне ў падлеткаў законапаслухмянага ладу жыцця.
Паважаныя бацькі! Важна пастаянна нагадваць дзецям, якія наступствы могуць быць у неабдуманых учынкаў. Вам варта цікавіцца, дзе, як і з кім знаходзіцца ваш дзіця, звяртаць увагу на яго захапленні і кола зносін — як рэальнае, так і віртуальнае.
Мы ведаем, што сярод нашых падпісчыкаў ёсць шмат юных бешанковічан. Хлопцы, памятайце, за збыт наркотыкаў адказнасць наступае з 14 гадоў! За збыт наркотыкаў, учынены групай асоб, альбо ў буйным памеры, альбо загадзя непаўналетняму прадугледжана пакаранне ў выглядзе пазбаўлення волі тэрмінам да 15 гадоў.