Яе мэта – папулярызацыя дзейнасці Беларускай маладзёжнай грамадскай арганізацыі ратавальнікаў-пажарных, прафесіі ратавальніка-пажарнага, грамадзянскае і патрыятычнае выхаванне, папярэджанне пажараў і гібелі людзей ад іх, прапаганда бяспечнага і здаровага ладу жыцця, раскрыццё творчага патэнцыялу і аб'яднанне маладых людзей – юных ратавальнікаў у карысную справу.

У рамках інфармацыйнай кампаніі ратавальнікі ставяць перад сабой не адну задачу, але галоўныя з іх – гэта павышэнне ўзроўню інфармаванасці насельніцтва аб дзейнасці Беларускай маладзёжнай грамадскай арганізацыі ратавальнікаў-пажарных, яе мэтах, задачах, напрамках і, такім чынам, прыцягнуць моладзь у шэрагі юных ратавальнікаў. Акрамя гэтага арганізатары ўпэўнены, што знаёмства з рухам здольна фарміраваць у падлеткаў культуру бяспекі жыццядзейнасці.

Першы тыдзень акцыі пройдзе пад дэвізам «112 добрых спраў». Маладыя ратавальнікі наведаюць домаўладанні тых, каму патрэбна дапамога ў нарыхтоўцы дроў, уборцы тэрыторыі альбо ўраджаю, устаноўцы аўтаномнага пажарнага апавяшчальніка. У катэгорыю такіх людзей трапяць ветэраны Вялікай Айчыннай вайны, самотныя пенсіянеры і інваліды. Другі тыдзень акцыі будзе прысвечаны святочным мерапрыемствам – 14 кастрычніка адзначаецца дзень утварэння Беларускай маладзёжнай грамадскай арганізацыі ратавальнікаў-пажарных. Канцэртныя праграмы, тэматычныя вечары-сустрэчы, велапрабегі, віктарыны, квэсты і многія іншыя падзеі аб'яднаны адной мэтай – прышчапіць культуру бяспекі жыццядзейнасці падлеткам і прыцягнуць іх у грамадскую арганізацыю ратавальнікаў-пажарных.

Маладыя ратавальнікі нагадваюць: для таго, каб пазбегнуць трагедыі, выконвайце элементарныя правілы пажарнай бяспекі. Пры пажары і іншых надзвычайных сітуацыях тэлефануйце па нумары 101 ці 112. Ваша бяспека ў Вашых руках!