У Віцебску ў рамках навагодняй дабрачыннай акцыі «Нашы дзеці» праходзіць абласное навагодняе свята для школьнікаў з усяго рэгіёна.

Выдатнікі вучобы, кадэты, пераможцы алімпіяд, творчых конкурсаў, спартыўных спаборніцтваў, дзеці з шматдзетных і прыёмных сем'яў прыбылі на маштабнае свята ў паўночную сталіцу. Хлопчыкі і дзяўчынкі ва ўзросце ад 8 да 14 гадоў з захапленнем пагрузіліся ў казку, акунуліся ў захапляльныя падзеі інтэрактыўнага мюзікла «Калейдаскоп уяўлення». Акрамя гэтага, для хлопчыкаў і дзяўчынак была арганізавана праца гульнявых і навагодніх пляцовак, фотазон, забаўляльных лакацый і самых разнастайных майстар-класаў.

Удзельнікаў урачыстасці прывітаў старшыня аблвыканкама Аляксандр Субоцін. Ён падкрэсліў важнасць перадсвяточных дзён, напоўненых асаблівым сэнсам і дабрынёй. У канцэртнай зале, дзе сабралася каля тысячы дзяцей, панавала натхняльная атмасфера. Шмат хто з дзяцей дасягнуў значных поспехаў у алімпіядным руху, спорце ці грамадскім жыцці.

– Гэтыя мерапрыемствы створаны для таго, каб вы паверылі ў цуд і дабро. Нават снег пайшоў у гэты чароўны дзень, – сказаў Аляксандр Субоцін. – У гэтай зале ўсе ў чаканні чагосьці асаблівага ад свята.

Ён падзякаваў дВучаніца СШ № 8 Оршы Елізавета Загарэльская ўпершыню на такім мерапрыемстве.

– Самае крутое свята! Я ў захапленні ад таго, колькі цікавых актыўнасцей для нас падрыхтавалі, дзякуй арганізатарам. Прыняла ўдзел у інтэрактыўных гульнях. З нецярпеннем чакаю мюзікла «Калейдаскоп уяўлення», і ўпэўнена, што ён пакіне ў сэрцы незабыўныя ўспаміны, якія будуць яшчэ доўга саграваць душу пасля заканчэння свята.

– Гэта такое цёплае, незвычайнае і вельмі вясёлае чароўнае свята! – з захапленнем кажа актывістка сярэдняй школы № 1 Наваполацка, член Парламента дзяцей і навучэнскай моладзі Наваполацка Ульяна Фурс. – Вакол столькі весялосці, майстар-класаў, дзівосных фотазон і музыкі. Атмасфера нагадвае пра тое, што цуды сапраўды існуюць. Менавіта такіх момантаў і не хапае ў паўсядзённым жыцці: яны нібы ствараюць навагоднюю магію, якая застанецца ў сэрцах надоўга.

Сённяшняя раніца для Аляксандра Ундруля з Відзаўскай СШ Браслаўскага раёна пачалася вельмі рана, але гэта ніяк не паўплывала на святочны настрой юнака.

– Гэта мой першы досвед удзелу ў абласным навагоднім свяце, і я проста у захапленні! – са шчырай радасцю падзяліўся выдатнік у вучобе. – Усё вакол зіхаціць і іскрыцца: яркія агні, святочныя дэкарацыі, радасныя твары аднагодкаў. Музыка, смех і весялосць. Кожнае імгненне нагадвае пра чараўніцтва гэтай пары года.

У ліку тых, каму пашанцавала прыехаць у Віцебск на абласное свята – Ульяна Грунтова з Віцебскага кадэцкага вучылішча.

– Я так шчаслівая быць тут, – падзялілася яна. – Маштаб свята проста ўражвае. Сённяшні дзень – нібы чароўнае падарожжа, поўнае эмоцый і нечаканых паваротаў. Увага кіраўніцтва вобласці да моладзі – сапраўдны падарунак.

vitebsk-region.gov.by