Напярэдадні прафесійнага свята жывёлавод 5 разраду ААТ «ПалітаддзелецАгра» Вольга Аляксеева прадстаўлена да ўзнагароджання Падзякай старшыні райвыканкама. Па выніках працы за 10 месяцаў бягучага года сярэднясутачны прырост па яе групе складае 859 грамаў, або 115% да 2024 года — вынік, за якім стаіць велізарная праца і каласальная адказнасць сельскага працаўніка!

У жывёлагадоўлі Вольга Уладзіміраўна працуе не так даўно. Секрет яе поспеху – у дбайным доглядзе за жывёламі, правільным кармленні, уважлівым стаўленні да кожнага цяляці, уменні заўважаць найменшыя змены ў іх паводзінах і своечасова прымаць неабходныя меры.

Вырошчванне маладняНарадзілася і вырасла Вольга Уладзіміраўна ў Расіі. Калі скончыла школу, бацькі пераехалі на пастаяннае месца жыхарства ў Лепельскі раён. У Лужаснянскім сельскагаспадарчым тэхнікуме атрымала прафесію агранома. Працавала па спецыяльнасці на Лепельшчыне ў дапаможнай гаспадарцы ў Караевічах, але нядоўга. Пасля замужжа і нараджэння траіх дзяцей вымушана была змяніць род дзейнасці. «Прафесія агранома, – кажа, – больш мужчынская, у сезон трэба быць увесь дзень у полі, а дома чакала сям'я».

У Бешанковіцкі раён Вольга Аляксеева перабралася больш за дзесяць гадоў таму пасля разводу з мужам. Купіла дом у Радзюках, каб быць бліжэй да бацькоў, пазней забрала да сябе маму…

!Заваяваць давер і павагу на новым месцы няпроста, але Вользе Уладзіміраўне гэта атрымалася. У «ПалітаддзелецАгра» спачатку яна працавала ў даільнай зале, а калі прапанавалі ўзяць групу цялят, пагадзілася. Добрасумленным працай стараецца апраўдваць аказаны давер.