Актуальная інфармацыя

У перыяд з 2 па 5 мая Дзяржаўтаінспекцыя Бешанковіччыны праводзіць комплекс прафілактычных мерапрыемстваў, накіраваных на прафілактыку дарожна-транспартных здарэнняў з удзелам непаўналетніх.

Сярод школьнікаў будзе праводзіцца прафілактычная работа. Супрацоўнікі ДАІ раскажуць аб правілах бяспечнага ўдзелу ў дарожным руху на веласіпедах, самакатах і іншых сродках перамяшчэння. Таксама нагадаюць правілы пераходу праезнай часткі як на двухколавых транспартных сродках, так і ў пешым парадку.

Акрамя таго, у працоўных калектывах арганізацый будуць праведзены сустрэчы, у час якіх інспектары ДАІ растлумачаць вадзіцелям Правілы дарожнага руху ў частцы бяспечнай перавозкі дзяцей, а таксама правілы перавозкі арганізаваных груп дзяцей аўтобусамі.