Навіны раёна
19 верасня 2022 года
20 верасня ДАІ Бешанковіч правядзе комплекс прафілактычных мерапрыемстваў «Помнім, ведаем, выконваем!»
З пачатку года на тэрыторыі Віцебскай вобласці зарэгістравана 27 ДТЗ з удзелам непаўналетніх, у якіх 2 дзіцяці загінулі, раненні атрымалі 25 дзяцей. На мінулым тыдні на тэрыторыі нашага раёна таксама адбылося дарожна-транспартнае здарэнне з удзелам непаўналетняй. Цяпер школьніца з цялеснымі пашкоджаннямі знаходзіцца ў дзіцячай Віцебскай абласной клінічнай бальніцы.
Каб не дапусціць такіх трагедый, супрацоўнікі Дзяржаўтаінспекцыі заўтра, 20 верасня, правядуць комплекс прафілактычных мерапрыемстваў "Помнім, ведаем, выконваем!", накіраваных на прафілактыку ДТЗ з удзелам непаўналетніх.
У час мерапрыемстваў дзяржаўтаінспектары правядуць як прафілактычныя акцыі для дзяцей і бацькоў, так і рэйды па спыненні парушэнняў правілаў дарожнага руху. Асаблівая ўвага будзе ўдзяляцца выкананню вадзіцелямі хуткаснага рэжыму, правілаў бяспечнай перавозкі дзяцей і праезду пешаходных пераходаў.