Навіны раёна
30 верасня на Бешанковіччыне пройдзе Адзіны дзень бяспекі дарожнага руху
Светлавы
дзень скарачаецца - небяспека павялічваецца! Пад такім дэвізам 30 верасня ў
краіне пройдзе Адзіны дзень бяспекі дарожнага руху.
Ён
будзе накіраваны на папулярызацыю выкарыстання святлоадбівальных элементаў і
камізэлек павышанай бачнасці пешаходамі, веласіпедыстамі і возчыкамі коннага
транспарту. Супрацоўнікі аддзялення ДАІ Бешанковіцкага РАУС правядуць
прафілактычныя мерапрыемствы і гутаркі ў працоўных калектывах і ўстановах
адукацыі. Таксама будзе ўзмоцнены кантроль за выкананнем правілаў дарожнага
руху пешаходамі і веласіпедыстамі. Нагадваем, што пешым удзельнікам руху
прадпісана абазначаць сябе святлоадбіўнымі элементамі пры руху па краі праезнай
часткі ў цёмны час сутак. Ровары ва ўмовах недастатковай бачнасці павінны быць
абсталяваны ліхтаром белага святла наперадзе і чырвонага ззаду. Акрамя таго,
раварыстам рэкамендуецца не грэбаваць камізэлькамі падвышанай бачнасці.
За
невыкананне правілаў для пешаходаў і веласіпедыстаў прадугледжана
адміністрацыйная адказнасць у выглядзе штрафу ў памеры ад 1 да 3 базавых
велічынь. Парушальнікам у нецвярозым стане пагражае штраф ад 3 да 5 базавых
велічыняў. Калі парушэнне пацягнула стварэнне аварыйнай абстаноўкі, штраф можа
скласці ад 3 да 8 базавых велічынь, а калі яно пацягнула прычыненне лёгкіх
цялесных пашкоджанняў камусьці з удзельнікаў - ад 5 да 20 базавых велічынь.