Навіны раёна
27 жніўня 2019 года
30 жніўня на тэрыторыі Бешанковіцкага раёна будзе праводзіцца Адзіны дзень бяспекі дарожнага руху
«Бяспечная дарога ў школу - задача дарослых!». Пад такім дэвізам 30 жніўня будзе праводзіцца Адзіны дзень бяспекі дарожнага руху, які прадугледжвае прафілактыку дзіцячага дарожна-транспартнага траўматызму перад пачаткам навучальнага года.
- Задача ўсіх удзельнікаў дарожнага руху - быць максімальна ўважлівымі да хлопцаў. Чужых дзяцей на дарозе не бывае, таму ад нашага неабыякавага ўдзелу залежыць іх здароўе і жыццё, - засяродзіў увагу начальнік АДАІ РАУС А.В. Івашнёў. - Але самае галоўнае - будзьце добрым прыкладам для сваіх дзяцей. Пераходзячы дарогу, тлумачце дзіцяці, як гэта трэба рабіць правільна, чаму небяспечна выбягаць на праезную частку.
Калі дзеці едуць разам з вамі ў машыне, будзьце вельмі ўважлівымі і асцярожнымі. У цяперашні час выклікаюць трывогу частыя выпадкі, калі дзеці ў якасці пасажыраў транспартных сродкаў атрымліваюць траўмы і калецтвы. Абавязкова прымацоўвайце дзяцей рамянямі бяспекі, выкарыстоўвайце дзіцячыя ўтрымлівальныя прылады, правільна падабраныя пад вагу і ўзрост дзіцяці.