Навіны раёна

Да 26 ліпеня 1930 года ўваходзіў у Віцебскую акругу. 15 лютага 1931 года ў склад раёна было ўключана 3 сельсаветы (Астровенскі, Пліскі, Сініцкі) са складу скасаванага Віцебскага раёна, 8 ліпеня 1931 году - 2 сельсаветы (Ульскі і Хоцінскі) скасаванага Ульскага раёна. З 8 ліпеня па 25 ліпеня 1931 года Бачэйкаўскі сельсавет часова знаходзіўся ў складзе Чашніцкага раёна. 25 ліпеня 1931 года да Бешанковіцкага раёна далучаны Сокараўскі сельсавет Чашніцкага раёна і Усвейскі сельсавет Сіроцінскага раёна. 20 лютага 1938 года ўключаны ў Віцебскую вобласць. У 1938 годзе ў раёне было 20 сельсаветаў і 2 мястэчкі (Бешанковічы і Ула).

9 верасня 1946 года быў зноў утвораны Ульскі раён, якому са складу Бешанковіцкага раёна было перададзена 4 сельсаветы і гарадскі пасёлак Ула. У 1947 годзе ў раёне было 15 сельсаветаў і 334 населеных пункты. 17 снежня 1956 года Ульскі раён быў ліквідаваны, і два сельсавета і пасёлак Ула былі перададзеныя Бешанковіцкаму раёну. 25 снежня 1962 года быў скасаваны Чашніцкі раён, і ў склад Бешанковіцкага раёна былі ўключаныя 9 сельсаветаў; у той жа дзень Астровенскі і Пліскі сельсаветы былі перададзеныя Віцебскаму раёну. 6 студзеня 1965 года Чашніцкі раён адноўлены. 12 лютага 1965 года да Бешанковіцкага раёну былі далучаны Астровенскі і Пліскі сельсаветы. 30 ліпеня Мікалаеўскі сельсавет быў перададзены Шумілінскаму раёну.