Навіны раёна
3 студзеня 2024 года
Аб чым прасілі жыхары Бешанковіцкага раёна кіраўніка рэгіёну Галіну Унуковіч падчас прыёмаў грамадзян
У рабочым графіку кіраўніка раёна Галіны Унуковіч у апошнія дні мінулага і першыя дні новага года значыліся прыёмы грамадзян.
На прыёме ў райвыканкаме жыхары рэгіёна звярнуліся да Галіны Уладзіміраўны па пытаннях паляпшэння жыллёвых умоў, добраўпарадкавання дваровых тэрыторый і іншых.
Шэраг праблем агучаны і падчас выязнога прыёму грамадзян у аграгарадку Сініцы. Вяскоўцы цікавіліся, якім чынам можна легалізаваць зямельныя ўчасткі, прасілі ў старшыні райвыканкама садзейнічання ў ачыстцы меліярацыйных каналаў на адной з вуліц у населеным пункце. Акрамя гэтага, узнімаліся пытанні, звязаныя з якасцю вадаправоднай вады, купляй-продажам нерухомай маёмасці.
Усе звароты кіраўніком раёна ўзяты на кантроль.
Дарэчы, падчас прыёму грамадзян, які прайшоў у райвыканкаме сёння, жыхарка вуліцы Чарняхоўскага звярнула ўвагу на нездавальняючы стан з'ездаў, якія вядуць на галоўную дарогу. У гэты ж дзень па даручэнні Галіны Унуковіч работнікі Бешанковіцкай ПМК-41 вырабілі тут падсыпку.
«У гэтым годзе работы па капітальным рамонце вуліцы Чарняхоўскага працягнуцца і будуць завершаны да «Дажынак», — падкрэсліла Галіна Унуковіч, — тым не менш гэта не падстава цяпер не звяртаць увагу на праблемныя ўчасткі. Па меры магчымасці яны будуць прыводзіцца ў парадак. Мера часовая, але неабходная.