Навіны раёна

МНС інфармуе: аб значным паніжэнні тэмпературы паветра на тэрыторыі Віцебскай вобласці. У асобных яе рэгіёнах значэнне дасягне - 28 градусаў.
Варта скараціць час знаходжання на марозе, і без вострай неабходнасці не выходзіць на вуліцу.
У гэтыя дні вельмі важна выконваць правілы бяспекі пры эксплуатацыі пячнога ацяплення і электранагравальных прыбораў.
Памятаеце, што ў халады лепш тапіць печ некалькі разоў у дзень з перапынкамі. Бесперапынная, працяглая топка печы можа прывесці да яе перагрэву, з'яўлення расколін і ўзнікнення пажару.
Не пакідайце без нагляду ўключаныя ў сетку электраабагравальнікі, тым больш у начны час.
Выкарыстанне адкрытага агню для адагравання замерзлых сістэм ацяплення ў жылых дамах, а таксама сістэмы падачы паліва ў аўтамабілях - недапушчальна. Гэта можа прывесці да пажару.
У выпадку ўзнікнення надзвычайнай сітуацыі тэлефануйце па тэлефонах 101 ці 112.
Беражыце сябе і сваіх блізкіх!