Навіны раёна
21 мая 2020 года
Баршчэўнік Сасноўскага: галоўнае - не выпусціць час
З надыходам цёплых дзён ажыла прырода, а разам з ёй рушыў у рост баршчэўнік Сасноўскага - рослае, жывучае і вельмі небяспечнае пустазелле. Ён захоплівае сотні гектараў, а адно дакрананне да расліны можа прывесці да самых сур'ёзных наступстваў. Галоўнае ў барацьбе з баршчэўнікам не выпусціць час. Праблемы ўзнікаюць, калі расліна высокая і ўжо ўтварыла парасоны. У гэты перыяд зрэзаныя суквецці, якія пападалі на зямлю, даспеюць і праз гады прарастуць. Таму, пакуль расліна яшчэ толькі набірае сілу, яго тэрмінова неабходна знішчаць. Апрацоўка хімічнымі прэпаратамі прыносіць найлепшы вынік.
Па словах галоўнага спецыяліста раённай інспекцыі прыродных рэсурсаў і аховы навакольнага асяроддзя Т.С.Грыгор'евай, у раёне распрацаваны план па рэгуляванні распаўсюджвання і колькасці баршчэўніка Сасноўскага. У яго таксама ўваходзяць мерапрыемствы па барацьбе з сумнікам канадскім, эхінацысцісам лопасцевым, якія па ступені небяспекі для навакольнага асяроддзя стаяць у адным шэрагу з баршчэўнікам Сасноўскага.
У нашым раёне баршчэўнік Сасноўскага займае 18, 5 га. Асноўны ачаг яго росту знаходзіцца на тэрыторыі ААТ «Бешанковічы аграсэрвіс» - 10, 21 га, а таксама Бачейкаўскага сельсавета - 3, 64 га.
Вярнуцца
Па словах галоўнага спецыяліста раённай інспекцыі прыродных рэсурсаў і аховы навакольнага асяроддзя Т.С.Грыгор'евай, у раёне распрацаваны план па рэгуляванні распаўсюджвання і колькасці баршчэўніка Сасноўскага. У яго таксама ўваходзяць мерапрыемствы па барацьбе з сумнікам канадскім, эхінацысцісам лопасцевым, якія па ступені небяспекі для навакольнага асяроддзя стаяць у адным шэрагу з баршчэўнікам Сасноўскага.
У нашым раёне баршчэўнік Сасноўскага займае 18, 5 га. Асноўны ачаг яго росту знаходзіцца на тэрыторыі ААТ «Бешанковічы аграсэрвіс» - 10, 21 га, а таксама Бачейкаўскага сельсавета - 3, 64 га.
Згодна з раённым планам на першым этапе апрацоўка павінна праводзіцца хімічным метадам на 90% тэрыторыі. Аднак, па стане на 15 мая, да працы прыступілі толькі ЗАТ «АСБ-Агра Наватар», Бешанковіцкі сельвыканкам, філіял «Бешанковіцкага ДРБУ-110» КУП «Віцебскаблдарбуд» і РУП «Віцебскаўтадор» філіял ДЭУ-36. Выдадзены прадпісанні ААТ «Бешанковічы аграсэрвіс», Бачэйкаўскаму сельвыканкаму і СУП «Вядзерава». Астатнім землекарыстальнікам, якія таксама бяздзейнічаюць у барацьбе з баршчэўнікам, таксама будуць высланы прадпісанні.
Не варта забываць, што гэта шкодная расліна можа з'явіцца і на вашым прысядзібным участку. Калі гэта ўжо адбылося, не варта марудзіць, выпушчаны час можа абярнуцца бядой.