Навіны раёна
Бешанковіцкія жывёлаводы ў ліку лепшых у вобласці.
14 лютага ў абласным цэнтры адбылася цырымонія ўшанавання лепшых жывёлаводаў Віцебшчыны
Дадзенае мерапрыемства праходзіла ў трэці раз. Свае віншаванні ўдзельнікам сходу адрасавалі старшыня Віцебскага аблвыканкама М.М. Шарснёў і памочнік Прэзідэнта Рэспублікі Беларусь - інспектар па Віцебскай вобласці А. К. Ліневіч.
Сярод ганаровых гасцей мерапрыемства была і дэлегацыя Бешанковіцкага раёна, якую ўзначаліў першы намеснік старшыні райвыканкама - начальнік райсельгасхарчу С. Г. Акуневіч.
На сцэну КЗ "Віцебск" у гэты дзень падняліся больш за 60 працаўнікоў вёскі, у тым ліку і два нашых землякі. Ганаровай граматы Віцебскага аблвыканкама ўдастоена аператар машыннага даення ЗАТ «АСБ-Агра Наватар» І. П. Гайдукова. А праца аператара птушкагадоўчай фермы цэха «Бешанковічы» ААТ «Вітконпрадукт» Ю. А. Сапега адзначаны Падзякай аблвыканкама.
Прафесія жывёлавода - адна з самых паважаных. Галоўнае багацце - гэта нашы працавітыя людзі, якія шануюць сваю малую радзіму і ўслаўляюць яе далёка за межамі раёна.
Кацярына Петухова, http://www.gztzara.by