Навіны раёна

         З 5 сакавіка па 24 красавіка 2019 года, у перыяд вясновых палявых работ, інспектары ДАІ Бешанковіцкага раёна ўзмацняюць кантроль за перамяшчэннем сельгастэхнікі і іншага буйнагабарытнага цяжкавагавага транспарту па дарогах, асабліва ў цёмны час сутак. Прычына - сезонныя змены надвор'я і іншых дарожных умоў, а таксама пачашчэнне выпадкаў цяжкіх ДТЗ з падобнай тэхнікай.

           Адначасова праводзіцца інфармацыйна-тлумачальная праца ў арганізацыях аграпрамысловага комплексу па пытаннях бяспечнага ўдзелу ў дарожным руху.

           У бліжэйшы час будуць абследаваны ўсе сельгаспрадпрыемствы на прадмет выканання допускаў да ўдзелу ў дарожным руху кіроўцаў і транспартных сродкаў, адпаведнасці аўтамабіляў, трактароў, самаходных машын, прычапнога і навяснога абсталявання тэхнічнай дакументацыі завода-вытворцы, а таксама абсталявання тэхнікі светлавяртальнай маркіроўкай і знешнімі светлавымі прыборамі ў адпаведнасці з патрабаваннямі заканадаўства.

Пры выяўленні парушэнняў праезду буйнагабарытных і (або) цяжкавагавых транспартных сродкаў супрацоўнікі ДАІ выдадуць прадпісанні кіраўнікам арганізацый з наступным кантролем іх выканання, а таксама інфармаваннем пра такія факты Транспартнай інспекцыі Міністэрства транспарту і камунікацый Рэспублікі Беларусь.

           Парушальнікі будуць прыцягнуты да адказнасці ў адпаведнасці з заканадаўствам Рэспублікі Беларусь (як кіроўца, так і службовая асоба).