Навіны раёна
20 кастрычніка 2020 года
Каб эпідэміялагічная сітуацыя не пагоршылася
Эпідэміялагічная абстаноўка ў раёне ў цяперашні час працягвае характарызавацца спецыялістамі як стабільная і кантралюемая.
Паводле інфармацыі раённага цэнтра гігіены і эпідэміялогіі, на ўчарашнюю раніцу дыягназ COVID-19 пацверджаны ў 11 чалавек. 6 з іх знаходзяцца на стацыянарным лячэнні, 5 атрымліваюць лячэнне амбулаторна. На самаізаляцыі знаходзяцца 16 чалавек, якія з’яўляюцца кантактамі першага ўзроўню.
Усяго ж з пачатку пандэміі на Бешанковіччыне зафіксавана 204 выпадкі захворвання каранавіруснай інфекцыяй.
Каб сітуацыя не пагаршалася, медыкі настойліва рэкамендуюць жыхарам раёна прытрымлівацца масачнага рэжыму і выконваць сацыяльнае дыстанцыяванне.