Навіны раёна
Кіраўніцтва раёна віншуе работнікаў і ветэранаў паштовай сувязі з прафесійным святам
Паважаныя работнікі і ветэраны паштовай сувязі!
Сардэчна віншуем вас з прафесійным святам — Сусветным днём пошты!
Пошта — адзін з найстарэйшых відаў сувязі і, нягледзячы на ўсе дасягненні тэхнічнага прагрэсу, імклівае развіццё камунікацый, яна захоўвае пазіцыі аднаго з самых масавых і даступных сродкаў сувязі. І ў новых умовах, у стагоддзе мабільных тэлефонаў і інтэрнэту, пошта імкнецца ісці ў нагу з часам.
Прыміце словы падзякі за вашу нялёгкую, але важную і патрэбную людзям працу, за жаданне дарыць жыхарам Бешанковіччыны добры настрой. Няхай вам заўсёды спадарожнічаюць поспех ва ўсіх справах і пачынаннях! Моцнага здароўя, аптымізму, сямейнага дабрабыту і шчасця.
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.