Навіны раёна

З 22 лютага па 1 сакавіка 2021 года ў нашай краіне праходзіць акцыя "Адзіны дзень бяспекі». Яна накіравана на прыцягненне ўвагі насельніцтва да пытанняў бяспекі, а таксама зніжэнне гібелі людзей ад знешніх прычын. Актывізацыя намаганняў усіх дзяржаўных органаў кінута на прапаганду бяспечных умоў пражывання, развіццё ў грамадстве культуры бяспекі жыццядзейнасці, правядзенне адукацыйна-выхаваўчай работы з падрастаючым пакаленнем.

Па традыцыі, якая склалася, арганізацыі, якія ўваходзяць у сістэму Міністэрства энергетыкі, прымаюць непасрэдны ўдзел у акцыі. Так, у рамках АДБ прафілактычная сустрэча адбылася ў Бачэйкаўскай сярэдняй школе. У ёй прынялі ўдзел начальнік Бешанковіцкай РЭДзІ філіяла Дзяржэнергагазнадзора па Віцебскай вобласці А. С. Варонін, начальнік групы энергагазінспекцыі Віцебскага МРА Д.В.Арцюх і інспектар газотэхнічнай групы Віцебскага МРА Д.А.Смольскі.

Мэтавай аўдыторыяй сталі вучні трэцяга і пятага класаў. Для школьнікаў былі падрыхтаваныя віктарыны на веданне простых правілаў электрабяспекі, прадэманстраваны займальныя відэаролікі, якія навучаюць правілам бяспечнага выкарыстання электрапрыбораў і паводзін на вуліцы паблізу энергааб'ектаў.

Для дадатковага інфармавання рабят аб небяспецы паражэння электрычным токам прадстаўнікі службаў раздавалі школьнікам ярка ілюстраваны наглядны матэрыял. Падобнае мерапрыемства прайшло ў ДУА «Астравенскай дзіцячы сад - сярэдняя школа».

Не абмінулі прафілактычныя мерапрыемствы працоўныя калектывы. Напрыклад, А.С.Варонін правёў навучальную лекцыю для супрацоўнікаў навучальнага комплексу «Свячанка» ААТ «Белгазпрамбанк». Шмат новай і карыснай інфармацыі даведаліся работнікі ўчастка «Бешанковічы» філіяла «Аўтобусны парк №1 г. Віцебска» ТАА «Віцебскаблаўтатранс». У ходзе сустрэч абмяркоўваліся пытанні электрабяспекі ў побыце і на вытворчасці, захавання ахоўнай зоны электрычных сетак, меры па зніжэнні электратраўматызма і прадухіленні несанкцыянаваных пранікненняў і спроб крадзяжу каляровых металаў абсталявання трансфарматарных падстанцый, размеркавальных прылад і правадоў ліній электраперадачы.

Спецыялісты «Энерганагляду» плануюць далей пашырыць ахоп мэтавых груп з прымяненнем новых форм прафілактычнай работы.

"Зара"