Навіны раёна
1 красавіка 2022 года
На базе ДЛГУ «Бешанковіцкі лясгас» прайшлі абласныя спаборніцтвы па лесапажарным майстэрстве
Каманда нашага лясгаса заняла шостае месца з 18 каманд удзельніц. Упершыню ўдзел у мерапрыемстве (па-за спаборніцтвам) прымалі навучэнцы Полацкага дзяржаўнага ляснога каледжа філіяла БДТУ.
Падрыхтоўка да пажаранебяспечнага перыяду ў работнікаў лясгаса заўсёды даволі сур'ёзная. З надыходам вясны лясная пажарная ахова пераходзіць у рэжым павышанай гатоўнасці, каб своечасова папярэдзіць, выявіць і патушыць ачаг узгарання ў лесе. На практыцы спецыялісты адпрацоўваюць навыкі тушэння ляснога пажару і спраўляюцца са стыхіяй не горш за пажарных-выратавальнікаў, што і прадэманстравала ў абласным конкурсе ўсе каманды. Пераможцамі спаборніцтваў стала каманда Лепельскага раёна.