Навіны раёна
3 чэрвеня 2022 года
На базе Ульскага ліцэя Бешанковіцкага раёна ўрачыста адкрылі шматфункцыянальную спартыўную пляцоўку
2 чэрвеня на базе Ульскага ліцэя сельскагаспадарчай вытворчасці ім. Л. М. Даватара ўрачыста адкрылі шматфункцыянальную спартыўную пляцоўку.
Важная падзея не толькі для навучэнцаў ліцэя, але і для ўсіх жыхароў аграгарадка стала магчымай дзякуючы Рэспубліканскаму сацыяльнаму праекту "Спорт для ўсіх" Прэзідэнцкага спартыўнага клуба па падтрымцы спорту і здаровага ладу жыцця.
Удзел у мерапрыемстве прынялі кіраўніцтва раёна, прадстаўнікі галоўнага ўпраўлення па адукацыі аблвыканкама Прэзідэнцкага спартыўнага клуба, Беларускага камітэта Спешыал Алімпікс, адміністрацыя, педагогі і навучэнцы ліцэя, а таксама жыхары Улы.
Пасля ўрачыстага адкрыцця пляцоўкі на ёй прайшла таварыская сустрэча па стрытболе паміж камандамі, якія трэніруюцца па праграмах Спешыал Алімпікс з Улы і Віцебска.
Акрамя гэтага, былі арганізаваны спаборніцтвы па міні-футболе і пляжным валейболе.
"Зара"