Навіны раёна

       Аб рабоце ўчастка электрасувязі прысутным далажыў яго начальнік А. Н. Гарбадзей.

   Бешанковіцкі ўчастак электрасувязі з'яўляецца структурным падраздзяленнем цэха сельскай тэлефоннай сувязі Віцебскага філіяла РУП "Белтэлекам". У яго склад уваходзяць групы па абслугоўванні лінейных збудаванняў і станцыйнага абсталявання, а таксама групы транспарту і продажу паслуг. Агульная колькасць работнікаў у цяперашні час складае 30 чалавек.

   Сярод прыярытэтных напрамкаў дзейнасці ўчастка сувязі Аляксей Мікалаевіч назваў наступныя: ўкараненне сучасных інфармацыйных тэхналогій на прадпрыемствах рэальнага сектара і ў сацыяльнай сферы; развіццё мультысэрвісных сеткі электрасувязі, шырокапалоснага доступу ў сетку Інтэрнэт, тэлевізійнага вяшчання; удасканаленне тэлекамунікацыйнай інфраструктуры, лічбавага тэлевізійнага вяшчання; мадэрнізацыя тэлефоннай сувязі і павелічэнне працягласці ліній сувязі па тэхналогіі GPON.

   - У нашым раёне ўкаранёны ўсе тры паказчыкі нарматываў Дзяржаўнага сацыяльнага стандарту па абслугоўванні насельніцтва ў галіне электрасувязі, - адзначыў А. Н. Гарбадзей. - Так, у цяперашні час заявы на ўстаноўку тэлефона з тэрмінам падачы больш за адзін год адсутнічаюць. Маецца магчымасць аказання паслуг шырокапалоснага доступу ў сетку Інтэрнэт у кожным населеным пункце з колькасцю жыхароў больш за 300. А таксама ўсе ўстановы аховы здароўя, у тым ліку ў аграгарадках, тэлефанізаваныя на 100%.

   Прадастаўленне паслугі электрасувязі на тэрыторыі раёна забяспечваюць цэнтральная АПТС, абсталяванне аптычных пасіўных сетак GPON, 10 сельскіх АТС, 24 вузлы перадачы дадзеных.