Навіны раёна
На тэрыторыі Бешанковіцкага раёна стартавала дабрачынная акцыя «Елачка жаданняў»
Ужо які год РК ГА "БРСМ" выступае з ініцыятывай аб правядзенні акцыі "Елачка жаданняў". У рамках першага этапу дзеці з шматдзетных, няпоўных і малазабяспечаных сем'яў, а таксама выхаванцы СПЦ, цэнтра карэкцыйна-развіваючага навучання і рэабілітацыі, дома сямейнага тыпу могуць напісаць ліст Дзеду Марозу і прынесці яго па адрасе вул. Камуністычная, 10, кабінет №21. Дарэчы, першыя пасланні ўжо ўпрыгожылі зялёную прыгажуню.
Падчас правядзення другога этапу акцыі валанцёры БРСМ сумесна з неабыякавымі людзьмі набудуць падарункі, якія затым раздадуць адрасатам.
Увасобіць дзіцячае жаданне ў рэальнасць па сілах кожнаму з нас, давайце дапаможам дзецям паверыць у цуда – звярнулася да землякоў першы сакратар РК ГА "БРСМ" Т. Жукоўская.
Раённая газета» Зара " http://www.gztzara.by