Навіны раёна
25 жніўня 2022 года
Насычана і актыўна прайшоў другі дзень комплексных вучэнняў у Бешанковічах
З раніцы былі адпрацаваны дзеянні па ліквідацыі абвалу жылога дома па вуліцы Шварцмана, якое адбылося ў выніку выбуху газавага балона. Пад завалам аказаліся 6 пацярпелых.
Спрацавалі дакладна, не трацячы ні секунды і на электрападстанцыі Бешанковічы 110-35-10. Па легендзе там адбыўся пажар з наступным разлівам і гарэннем 2 тон трансфарматарнага масла. Спынена энергазабеспячэнне спажыўцоў.
У раённым выканаўчым камітэце прайшло пасяджэнне эвакуацыйнай камісіі, у задачы якой уваходзіла арганізаваць прыём і размяшчэнне насельніцтва, якое часова адсяляецца, у колькасці 455 чалавек з заходніх пагранічных раёнаў краіны.