Навіны раёна
31 студзеня 2023 года
Новы, другі па ліку, 40-кватэрны электродам адкрылі ў Бешанковічах
Будучыя жыхары дома, які размясціўся ў мікрараёне вуліцы Маладзёжнай, з нецярпеннем чакалі гэтага моманту амаль год. І вось сёння яны атрымалі ключы ад сваіх новенькіх кватэр!
Удзел ва ўрачыстай цырымоніі адкрыцця дома прыняў старшыня абласнога Савета дэпутатаў Уладзімір Цярэнцьеў. Звяртаючыся да прысутных, кіраўнік дэпутацкага корпуса Віцебшчыны адзначыў:
"Выдатная фраза, сказаная Кіраўніком нашай дзяржавы, - "Моцная краіна - гэта моцныя рэгіёны". Сённяшняе мерапрыемства - чарговае таму пацвярджэнне».
Словы падзякі ў гэты дзень гучалі ў адрас будаўнікоў, якія вызначыліся пры выкананні работ.
Сімвалічны ключ будаўнікі перадалі камунальнай службе, на плечы якой зараз кладзецца абслугоўванне дома.
Ва ўрачыстай абстаноўцы навасельцам уручаны ключы ад кватэр і пасведчанні на права засялення ў арэнднае жыллё.