Навіны раёна
20 лістапада 2022 года
Паважаныя работнікі, ветэраны аграпрамысловага комплексу Бешанковіччыны! Са святам!
Сардэчна віншуем вас з прафесійным святам!
Аграрны сектар з'яўляецца адной з найважнейшых сфер жыцця не толькі нашага раёна, але і нацыянальнай эканомікі. Той, хто працуе на зямлі, як ніхто іншы глыбока разумее яе значнасць. Узводзяцца новыя фермы і комплексы, мадэрнізуюцца дзеючыя, абнаўляюцца абсталяванне і тэхнічны парк, укараняюцца перадавыя тэхналогіі і прынцыпы вытворчасці. Усё гэта павышае прадуктыўнасць і эканамічную эфектыўнасць сельскай вытворчасці. Аднак галоўнае - за ўсім гэтым стаяць працавітыя, адданыя роднай зямлі людзі: работнікі сельскай нівы, механізатары, вадзіцелі, жывёлаводы, земляробы, спецыялісты абслугоўваючых арганізацый, работнікі харчовай і перапрацоўчай прамысловасці, кіраўнікі, ветэраны і моладзь. Высокія ўраджаі — вынік вашай вялікай працавітасці, прафесіяналізму, адказнасці. Сваёй самаадданай працай вы падтрымліваеце харчовую бяспеку дзяржавы, жыццёвы ўзровень народа, дабрабыт кожнай беларускай сям'і. Вялікі дзякуй вам і нізкі паклон за любоў ды зямлі!
Жадаем вам і вашым сем'ям моцнага здароўя, шчасця і міру! Упэўнены, што і ў далейшым аграрыі Бешанковіччыны будуць з поўнай аддачай добрасумленна працаваць на карысць роднай краіны, нашага прыдзвінскага краю. Спрыяльных умоваў надвор'я і багатага ўраджаю, настойлівасці ў дасягненні пастаўленых мэт і новых працоўных здзяйсненняў!
Галіна УНУКОВІЧ,
старшыня раённага выканаўчага камітэта.
Генадзь ШВЕДАЎ,
старшыня раённага Савету дэпутатаў.