Навіны раёна
3 верасня 2023 года
Паважаныя работнікі, ветэраны нафтавай, газавай і паліўнай прамысловасці! Сардэчна віншуем вас з прафесійным святам!
Вы працуеце ў адной з самых важных галін народнай гаспадаркі. Паліўна-энергетычны комплекс забяспечвае энергетычную бяспеку, стварае надзейную базу для паспяховага развіцця эканомікі раёна і краіны, з’яўляецца трывалай асновай сацыяльнай стабільнасці. Сёння ад дзейнасці нафтавай, газавай і паліўнай прамысловасці залежыць бесперабойнасць работы ўсіх галін народнай гаспадаркі і камфортнасць жыцця грамадзян.
Выказваем шчырую ўдзячнасць усім работнікам за высокі прафесіяналізм і адданасць справе. Упэўнены, што і надалей вы сваёй добрасумленнай працай будзеце садзейнічаць умацаванню эканомікі нашага раёна і росту дабрабыту яго жыхароў. Ад усёй душы жадаем вам, вашым сем’ям і блізкім моцнага здароўя, шчасця, сямейнага дабрабыту, бадзёрасці духу, поспехаў у дасягненні пастаўленых мэтаў, душэўнай раўнавагі і святочнага настрою.
Галіна Унуковіч, старшыня раённага выканаўчага камітэта
Генадзь Шведаў, старшыня раённага Савета дэпутатаў