Навіны раёна
26 чэрвеня 2023 года
Шаноўныя жыхары і госці Бешанковіччыны, ветэраны Вялікай Айчыннай вайны і працы! Прыміце віншаванні з Днем вызвалення Бешанковіцкага раёна ад нямецка-фашысцкіх захопнікаў
Усё далей ад нас гераічныя дні Вялікай Айчыннай, і тым больш востра адчуваецца сутнасць і маштаб подзвігу нашага народа. 26 чэрвеня ўпісана ў гісторыю раёна, як дзень перамогі справядлівасці і бязмежнага гераізму абаронцаў Айчыны. Схіляем галовы перад усімі, хто сваім здароўем і жыццём заплаціў за мірную будучыню. Святы абавязак сённяшняга пакалення — шанаваць памяць пра тых, хто выратаваў родную зямлю ў суровыя ваенныя гады, абараніў наша права на жыццё. Нізкі паклон вам, героі, самаадданыя працаўнікі тылу, пакаленне, што адрадзіла з руін нашу малую радзіму, за ратны і працоўны подзвіг, за мужнасць і вытрымку!
Дарагія сябры, прыміце самыя добрыя пажаданні моцнага здароўя, невычэрпнай энергіі і бадзёрасці духу, шчасця, поспехаў ва ўсіх справах у імя развіцця нашай любімай бешанковіцкай зямлі! Няхай над роднай Беларуссю заўсёды будзе мірнае неба, а ў кожным доме пануюць любоў і дабрабыт!
Галіна УНУКОВІЧ,
старшыня раённага выканаўчага камітэта.
Генадзь ШВЕДАЎ,
старшыня раённага Савета дэпутатаў.